ԵՐԵՎԱՆ, 28 սեպտեմբերի․/ԱՌԿԱ/․ Փոխվարչապետ Տիգրան Խաչատրյանն ընդունել է Արժույթի միջազգային հիմնադրամի (ԱՄՀ) հայաստանյան առաքելության ղեկավար Ալեքսանդր Թիմանի գլխավորած պատվիրակությանը, հայտնում է
Հանդիպման ընթացքում փոխվարչապետը մանրամասն անդրադարձ է կատարել մակրոտնտեսական զարգացումներին և հարկաբյուջետային քաղաքականության հիմնական ուղղություններին:
Այս համատեքստում զրուցակիցները կարևորել են ֆիսկալ պլանավորման կարողություների զարգացման ուղղությամբ համագործակցության շարունակականությունը, ինչպես նաև մտքեր են փոխանակվել երկուստեք հետաքրքրություն ներկայացնող բարեփոխումների շրջանակի վերաբերյալ։
ԱՄՀ-ի հետ Հայաստանի համագործակցության մասին
Հայաստանը Արժույթի միջազգային հիմնադրամի անդամ է 1992 թվականի մայիսի 28-ից: Հիմնադրամի հետ երկրի համագործակցությունը ներառում է խորհրդատվություններ մակրոտնտեսական քաղաքականության, ֆինանսական կայունության, պետական ֆինանսների կառավարման, հարկային քաղաքականության և վիճակագրական համակարգի զարգացման հարցերով:
ԱՄՀ Գործադիր խորհուրդը 2025 թվականի դեկտեմբերի 1-ին հաստատել է Հայաստանի հետ Stand-By Arrangement (SBA) նոր 36-ամսյա համաձայնագիրը՝ 128,8 միլիոն SDR գումարի չափով (ԱՄՀ-ում Հայաստանի քվոտայի 100%-ը կամ շուրջ 175 միլիոն դոլար), որն աջակցություն կցուցաբերի երկրի իշխանություններին մակրոտնտեսական կայունության պահպանման և կառուցվածքային բարեփոխումների ծրագրի առաջմղման գործում, ինչպես նաև երաշխիք կապահովի անորոշության պայմաններում:
SBA ծրագիրը նախատեսում է մակրոտնտեսական կայունության աջակցություն և բարեփոխումների իրականացում, ընդ որում՝ Հայաստանի իշխանությունները հայտարարել են այն որպես ֆինանսավորման կանխարգելիչ գիծ դիտարկելու մտադրության մասին: