«Արևմտյան Ադրբեջանի» կեղծ թեզը Բաքուն հասցրել է ՄԱԿ-ի կենտրոնակայան։ «Վերադարձի իրավունք և ապագաղութացում․ ուշացած պատմական արդարության վերականգնում» խորագրով համաժողովում պնդել են, թե «արևմտյան ադրբեջանցիների» վերադարձի հարցը պետք է քննարկվի միջազգային մեխանիզմների շրջանակում։
Բաքվի նախաձեռնող խումբն ու համաժողովի մասնակիցները դիմել են ՄԱԿ-ի հատուկ զեկուցողներին՝ պահանջելով նպաստել «անվտանգ վերադարձի» պայմանների ստեղծմանը և Հայաստանի տարածքում ադրբեջանական «մշակութային, կրոնական ու պատմական ժառանգության» պահպանմանը։