Ռոսատոմը Հայաստանին պաշտոնապես առաջարկել է կառուցել 1 ԳՎտ հզորությամբ նոր ատոմակայան՝ միջազգային կոնսորցիումի ձևաչափով։ Այս մասին Երևանի Զվարթնոց օդանավակայանում կայացած մամուլի ասուլիսի ժամանակ հայտարարել է Ռոսատոմի գլխավոր տնօրեն Ալեքսեյ Լիխաչովը։
Նրա խոսքով՝ առաջիկա ամիսներին Հայաստանի կառավարությունը պետք է վերջնական որոշում կայացնի նոր ատոմակայանի տեխնիկական լուծման և շինարարական գործընկերոջ ընտրության վերաբերյալ։
Լիխաչովը հայտնել է, որ ռուսական կողմն արդեն Հայաստանին ներկայացրել է VVER-1000 էներգաբլոկի կառուցման պաշտոնական առաջարկը՝ առնվազն 1000 ՄՎտ հզորությամբ։
«Ռոսատոմը պատրաստ է նախագիծն իրականացնել միջազգային ինտեգրված կոնսորցիումի ձևաչափով՝ շինարարությանը ներգրավելով նաև այլ երկրների, այդ թվում՝ Ֆրանսիայի, Հարավային Կորեայի և Չինաստանի արտադրողներին, եթե Երևանը ցանկանա»,- ասել է նա։
Լիխաչևի խոսքով՝ էլեկտրաէներգիայի սպառման տարեկան շուրջ 4% աճի պայմաններում մասնագետների կանխատեսմամբ՝ մինչև 2036 թվականը Հայաստանին կարող է անհրաժեշտ լինել նման հզորության բազային արտադրություն՝ առաջացող պահանջարկը ծածկելու համար։