Թենեսիում մահապատժի դատապարտված Քրիստա Փայքը շարունակում է մնալ հիվանդանոցում ծանր վիճակում՝ մահացու ներարկման անհաջող փորձից հետո: Փայքի մահապատժի փորձը տեղի է ունեցել չորեքշաբթի օրը, սակայն բժիշկները դեռևս վստահ չեն, թե արդյոք նա գիտակցության կգա: Գրում է BBC-ն։
Կիրակի առավոտյան CNN-ին տված հարցազրույցում Փայքի փաստաբան Սթիվեն Ֆերելը նշել է, որ բժիշկները դեռևս փորձում են Փայքի օրգանիզմից հանել մահապատժի դեպքերում օգտագործվող պենտոբարբիտալի երկու դեղաչափը։
Առաջին ներարկումը չկարողացավ սպանել դատապարտյալին։ Արձանագրությունը պահանջում է երկրորդ ներարկում հազվագյուտ դեպքում։ Սակայն նույնիսկ երկրորդից հետո Փայքը կյանքի նշաններ ցույց տվեց։ Այնուհետև նրան տեղափոխեցին Նեշվիլի հիվանդանոց։
«Նա դեռ հիվանդանոցում է, միացված է արհեստական շնչառության սարքին, ծանր վիճակում է։ Նա հսկողության տակ է։ Ես չգիտեմ, թե ով կարող էր տեսած լինել նրան»,- ասում է Ֆերելը։
Իշխանությունները դեռևս չեն հայտարարել, թե արդյոք կրկին կփորձեն մահապատժի ենթարկել 50-ամյա Փայքին: Նրանք նաև չեն բացատրել, թե իրականում ինչ է տեղի ունեցել:
Սակայն Թենեսիի նահանգապետ Բիլ Լին կասեցրել է բոլոր մահապատիժները մինչև տարեվերջ, իսկ նահանգի բանտային համակարգի ղեկավարը հայտարարել է, որ հրաժարական կտա։