Սյունիքում «Թրամփի երթուղի» նախագծի վերաբերյալ առայժմ ավելի շատ հարցեր կան, քան պատասխաններ․ դրա նպատակային ցուցանիշներից ոչ մեկը չի հրապարակվել։ Այս մասին РИА Новости-ին տված հարցազրույցում հայտարարել է ՌԴ ԱԳՆ ԱՊՀ երկրների չորրորդ դեպարտամենտի տնօրեն Միխայիլ Կալուգինը։
«Սյունիքում «Թրամփի ճանապարհներ» նախագծի վերաբերյալ, որը մեծ մասամբ կրկնում է այն, ինչ նախորդ տարիներին մշակվել էր Ռուսաստանի աջակցությամբ, առայժմ ավելի շատ հարցեր կան, քան պատասխաններ», – ասել է Կալուգինը։
Դիվանագետի խոսքով՝ նախագծի նպատակային ցուցանիշներից, ըստ էության, ոչ մեկը չի հրապարակվել՝ ո՛չ համապատասխան ենթակառուցվածքի կառուցման և շահագործման պարամետրերն ու ժամկետները, ՛չ էլ նախատեսվող բեռնափոխադրումների ծավալները։