Այսօր մենք հայտարարում ենք նոր պատժամիջոցների մասին՝ ուղղված Պուտինի պատերազմական մեքենայի, «ստվերային նավատորմի», նավթային ընկերությունների, կրիպտոակտիվների և պատերազմի ֆինանսավորման դեմ․ հայտարարել է Ուկրաինա այցելած Մեծ Բրիտանիայի արտգործնախարար Էդ Միլիբենդը, որը Վլադիմիր Զելենսկիի հետ այսօր այցելել է Չեռնիգովի մարզում գտնվող Պրիլուկի քաղաք։
«Այս հակամարտության ընթացքում մենք ձեր եղբայրներն ու քույրերն ենք։ Եվ մենք ձեր կողքին կլինենք այնքան ժամանակ, որքան անհրաժեշտ կլինի»,- ասել է բրիտանացի նախարարը Զելենսկիին։
Միլիբենդը նաև լուսանկար է հրապարակել X սոցցանցում, որտեղ երևում է, թե ինչպես են ինքն ու Զելենսկին շփվում մամուլի հետ՝ ավերված տան ֆոնին, որտեղ հոկտեմբերի 7-ին Ռուսաստանի հրթիռային հարվածի հետևանքով զոհվել էր 22 մարդ։
«Վայրագ տեռորիստական պատերազմի հետևանքով, որը Պուտինը մղում է ուկրաինացի ժողովրդի դեմ, այնտեղ զոհվել է 22 անմեղ մարդ, նրանց թվում, ցավոք, 5 երեխա։ Իմ ուղերձը հստակ էր՝ մենք կաջակցենք Ուկրաինայի ժողովրդին այնքան ժամանակ, որքան անհրաժեշտ կլինի»,- հավաստիացրել է բրիտանացի նախարարը։