Թբիլիսիում ձերբակալվել է Հայաստանի քաղաքացի, որը ծանր հանցագործությունների համար Ինտերպոլի կողմից «Կարմիր ծանուցմամբ» միջազգային հետախուզման մեջ էր։ Այս մասին հայտնել է Վրաստանի ՆԳՆ մամուլի ծառայությունը։
Ձերբակալությունը կատարվել է Հայաստանի իրավապահ մարմինների դիմումի հիման վրա։ Հայաստանում տղամարդուն մեղադրում են սպանության, խուլիգանության, ինչպես նաև ապօրինի զենք և զինամթերք պահելու ու կրելու մեջ:
Ներկայում ձերբակալվածի նկատմամբ իրականացվում են օրենքով նախատեսված՝ արտահանձնմանը նախորդող ընթացակարգերը, որից հետո նախատեսվում է նրան փոխանցել հայկական կողմին։