Ֆրանսիայում ձերբակալել են Կանն-սյուր-Մերի Պյեր Օգյուսթ Ռենուարի անվան թանգարանից կտավներ գողացածներին։ Այս մասին հայտնում է BFMTV-ն։ Վեց կասկածյալներից երկուսը, ովքեր մուտք են գործել թանգարան եւ գողացել կտավներ, ձերբակալված են։Ձերբակալությունը տեղի է ունեցել հոկտեմբերի յոթին։ Գողացվել էր չորս կտավ։ Երկուսը՝ «Տիկին Ստեֆանի Պիշոնի» դիմանկարը եւ «Կոկոն ընթերցելիս» ավելի ուշ գել էին այգում։ Երկուսը դեռ չեն գտնվել։ Գողոնի ընդհանուր արժեքը կազմում է ինը միլիոն եվրո։ Հիշեցնենք, որ Պյեր Օգյուսթ Ռենուարը (1841-1919) ֆրանսիացի իմպրեսիոնիստ նկարիչ է, ով մասնակցել է Փարիզում տեղի ունեցած իմպրեսիոնիստների առաջին ցուցահանդեսին՝ 1874 թվականին։