Բելառուսի նախագահ Ալեքսանդր Լուկաշենկոն պատմական է համարել 2028 թվականին ԱՊՀ-ում նախագահելու Բաքվի որոշումը և հույս հայտնել, որ Հայաստանն էլ այդ դերը կստանձնի 2029 թվականին:
«Մեր կազմակերպության զարգացման նոր փուլը հարգարժան Իլհամ Հեյդարովիչի (Ալիևի) որոշումն է (Ադրբեջանի նախագահ) առաջին անգամ ստանձնել նախագահությունը (ԱՊՀ-ում) 2028 թվականին։ Դա, անշուշտ, պատմական պահ է», – մեջբերում Է «Բելտա» գործակալությունը Լուկաշենկոյի խոսքը ԱՊՀ գագաթնաժողովում։
Նա հույս է հայտնել, որ «Հայաստանը նույնպես որոշում կկայացնի այդ պատվավոր գործառույթը կատարել ըստ հերթականության 2029 թվականին»:
ԱՊՀ անդամ երկրների ղեկավարների խորհրդի նիստն անցկացվում է Թուրքմենստանի «Ավազա» ազգային զբոսաշրջային գոտում:
Այս տարի լրանում է ԱՊՀ հիմնադրման 35-ամյակը, ԱՊՀ անդամ 9 երկրների առաջնորդները կամփոփեն բազմակողմ համագործակցության արդյունքները։