ԱՄՆ զինված ուժերը ուսումնասիրում են Իրանի դեմ լայնածավալ ռազմական գործողությունների հնարավոր վերսկսման տարբերակները՝ չնայած ԱՄՆ նախագահ Դոնալդ Թրամփի՝ ակտիվ մարտական գործողություններին վերադառնալու հեռանկարների վերաբերյալ երկիմաստ հայտարարություններին, հաղորդում է The New York Times-ը (NYT)՝ հղում անելով ԱՄՆ վարչակազմի անանուն պաշտոնյաներին։
Թերթի տվյալներով՝ Մերձավոր Արևելք շուտով կտեղակայվեն երեք ավիակիրներ։
Պենտագոնը նաև մշակում է հրթիռների և անօդաչու թռչող սարքերի պահեստների, ինչպես նաև այլ ռազմական և էներգետիկ օբյեկտների վրա հարվածելու ծրագրեր։
Վերջին ամիսներին Պենտագոնը և Թրամփի ազգային անվտանգության թիմը ամերիկացի առաջնորդին ներկայացրել են Իրանի կամ եմենյան ապստամբական «Անսար Ալլահ» շարժման դեմ լայնածավալ ռազմական գործողությունների հինգ առաջարկ։ ԱՄՆ նախագահը մերժել է դրանք բոլորը, հաղորդում է թերթը։