Մադրիդի «Ռեալի» գլխավոր մարզիչ Ալվարո Արբելոան Չեմպիոնների լիգայի 1/4 եզրափակչի հանդիպումից առաջ խոսել է Մյունխենի «Բավարիայի» ուժեղ կողմերի մասին։
«Սա շատ լավ նախապատրաստված թիմ է, որի անհատականությունն ու խաղաոճն անմիջապես աչքի են ընկնում։ Նրանք շատ կարգապահ են պաշտպանությունում և ստիպում են իրենց բոլոր խաղացողներին անհավանական լավ նահանջել և պաշտպանվել։ Չափազանց անձնուրաց են խաղում։ Իսկ գնդակով նրանք տաղանդավոր ֆուտբոլիստների օգնությամբ հիանալի պահեր են ստեղծում եզրերում։
Կարծում եմ՝ սա բազմաթիվ ուժեղ կողմեր ունեցող շատ հավասարակշռված թիմ է։ Կոմպանին արժանի է գովեստի, քանի որ հսկայական աշխատանք է կատարում «Բավարիայում»»,- Արբելոայի խոսքն է մեջբերում իսպանական AS պարբերականը։
Չեմպիոնների լիգայի ընթացիկ խաղարկության եզրափակիչը կկայանա Բուդապեշտի «Պուշկաշ Արենա» մարզադաշտում։ Մրցաշարի վճռորոշ հանդիպումը նախատեսված է 2026 թվականի մայիսի 30-ին։