ՌԴ նախագահ Վլադիմիր Պուտինը, Նիկոլ Փաշինյանը և Ադրբեջանի նախագահ Իլհամ Ալիևը Թուրքմենստանում Կասպյան գագաթնաժողովից հետո փակ հանդիպում են ունեցել, հայտնում է «Կոմերսանտը»։
«Հանդիպման մասին նախապես չէր հայտարարվել։ Այն տևել է շուրջ 15 րոպե։ Հանդիպման անցկացման շուրջ պայմանավորվածությունը ձեռք է բերել ՌԴ նախագահի օգնական Յուրի Ուշակովը։ ԱՊՀ երկրների ղեկավարների ընդլայնված կազմով նիստի փակ հատվածի ընթացքում նա այդ հարցով առանձին զրուցել է Նիկոլ Փաշինյանի և Իլհամ Ալիևի հետ։ Հայաստանի վարչապետը չի մասնակցել Կասպյան գագաթնաժողովին, սակայն սպասել է դրա ավարտին՝ Վլադիմիր Պուտինի և Իլհամ Ալիևի հետ հանդիպելու համար», – նշվում է հրապարակման մեջ։
Մինչ Պուտինի՝ Թուրքմենստան մեկնելը Յուրի Ուշակովը հայտարարել էր, որ Փաշինյան-Պուտին հետ նախատեսված չէ։ Սակայն ՌԴ նախագահի օգնականը չէր բացառել միջոցառման շրջանակում նրանց շփումները։