ՌԴ նախագահ Վլադիմիր Պուտինը շնորհավորական ուղերձ է հղել Ռուսաստանի գիտությունների ակադեմիայի ակադեմիկոս Ալեքսանդր Չուբարյանի 95-ամյակի կապակցությամբ։
«Դուք իրավամբ վայելում եք մեծ հեղինակություն` որպես խոշոր գիտնական, ճանաչված մասնագետ միջազգային հարաբերությունների և ժամանակակից քաղաքական գործընթացների ոլորտում: Հատուկ կնշեմ ընդհանուր պատմության ինստիտուտի տնօրենի և գիտական ղեկավարի պաշտոնում Ձեր բազմաբնույթ կազմակերպչական, լուսավորչական գործունեությունը, Ձեր ներդրումը մեր երկրում հումանիտար գիտությունների զարգացման գործում»,– ասված է ՌԴ նախագահի շնորհավորական ուղերձում:
Պուտինը Չուբարյանին մաղթել է քաջառողջություն, ոգու արիություն և ստեղծագործական անսպառ եռանդ։