ԱԺ «Հայաստան» խմբակցության պատգամավոր Արթուր Խաչատրյանը Հայաստանի վարչապետ Նիկոլ Փաշինյանի երեկվա հայտարարություններին է անդրադարձել, թե «Արծվաշեն գյուղը կարող է տեղաշարժվել» և թե «Հայաստանում ու Ադրբեջանում ըմբռնում կա, որ անկլավներ ու էքսկլավներ չլինեն»։
«Երեկ Նիկոլ Փաշինյանը հաստատեց, որ նախորդ օրվա՝ առանց անկլավ, առանց էքսկլավ Հայաստանի և Ադրբեջանի տեսլականը բացարձակապես չի նշանակում, թե ինքն Ալիևի հետ ունի ինչ-որ մի համաձայնություն, որ Տիգրանաշենը կմնա Հայաստանի ինքնիշխանության ներքո, իսկ Ադրբեջանին կանցնի Արծվաշենը։ Ո՛չ, Փաշինյանն ուղղակի հաստատեց, որ պատրաստվում է Նախիջևանով մի սեպ տալ Ադրբեջանին, որը կխրվի Հայաստանի թիկունքին, իսկ Ադրբեջանը Հայաստանին կտա մի փոքրիկ ելուստ»,- նշել է Արթուր Խաչատրյանը։