Հռոմի Լևոն 14-րդ Պապը կիրակի օրը առաջին անգամ կհայտնվի հանրության առջև՝ առաջին անգամ թոքի քաղցկեղի վիրահատությունից հետո:
Վատիկանն այսօր հայտարարել է, որ 71-ամյա Պապի առողջական վիճակը կայուն կերպով բարելավվում է, և Կաթոլիկ եկեղեցու քահանայապետն արդեն ի վիճակի է աշխատել ու իր ամենօրյա գործունեությունն իրականացնել ինքնուրույն:
Reuters լրատվական գործակալության փոխանցմամբ՝ Լևոն 14-րդը կիրակի կեսօրին կղեկավարի ավանդական աղոթքը:
Վատիկանը հայտնել է նաև, որ շարունակվում են նոյեմբերին Հարավային Ամերիկա Պապի կատարելիք այցի նախապատրաստման աշխատանքները:
Սուրբ Աթոռն այսօր հրապարակել է նաև Պապի առաջին լուսանկարները վիրահատությունից հետո, որոնցում նա պատարագ է մատուցում՝ առանց օգնության կանգնած:
Լևոն 14-րդի մոտ թոքի քաղցկեղ էր ախտորոշվել, այս շաբաթ կատարված վիրահատությամբ նրա աջ թոքի ստորին հատվածը հաջողությամբ հեռացվել է, հայտնել էր Վատիկանը: