ԱՄՆ պետքարտուղար Մարկո Ռուբիոն կարծում է, որ ԱՄՆ նախագահ Դոնալդ Թրամփին մինչև 60 օր կպահանջվի՝ Ռուսաստանի դեմ պատժամիջոցներ սահմանելու հետևանքները գնահատելու համար, հայտնում է Reuters-ը։
«Կարծում եմ՝ նախագահը ցանկանում է օգտագործել այս 60-օրյա ժամանակահատվածը՝ վերլուծելու համար, թե ինչ կնշանակի պատժամիջոցների և մաքսատուրքերի սահմանումը համաշխարհային տնտեսության, ինչպես նաև հենց ԱՄՆ տնտեսության համար», – գործակալությունը մեջբերում է Ռուբիոյի խոսքերը՝ նշելով, որ խոսքը Ռուսաստանի դեմ պատժամիջոցների մասին է։
Ավելի վաղ Թրամփը հրամանագիր էր ստորագրել, որով հրահանգվում էր չկիրառել մի շարք պատժամիջոցներ, սահմանափակումներ և մաքսատուրքեր, որոնք նախատեսված էին Ռուսաստանի և Իրանի դեմ պատժամիջոցների մասին վերջերս ընդունված օրենքով։