Վեց միգրանտ, այդ թվում՝ մեկ երեխա, մահացել են Լեսբոս կղզու մոտ մոտորանավակի և Հունաստանի ափամերձ պահպանության նավի բախման հետևանքով, հաղորդում է Reuters-ը՝ հղում անելով Հունաստանի իշխանություններին։
Դեպքը տեղի է ունեցել երկուշաբթի վաղ առավոտյան՝ Ագրիլիայից մոտավորապես 3.5 ծովային մղոն հարավ։ Ըստ ափամերձ պահպանության՝ փրկարարները հայտնաբերել են չորս տղամարդու, մեկ կնոջ և մեկ երեխայի մարմին։ Եվս ութ մարդ ողջ է մնացել և տեղափոխվել հիվանդանոց։
37-ամյա Թուրքիայի քաղաքացի է ձերբակալվել միգրանտների անօրինական տեղափոխման կասկածանքով։ Նախնական տեղեկությունների համաձայն՝ նա մոտորանավակի վարորդն էր։
Հունաստանի նավագնացության նախարար Վասիլիս Կիկիլիասը մահվան մեջ մեղադրել է միգրանտների անօրինական տեղափոխման մեջ ներգրավվածներին։