Մադրիդի «Ռեալի» նախագահ Ֆլորենտինո Պերեսն արդեն որոշել է, թե ով կգլխավորի «արքայական» ակումբը, եթե Ժոզե Մոուրինյուի գլխավորությամբ թիմի արդյունքները չբարելավեն։
Ինչպես հաղորդում է esRadio-ի հայտնի լրագրող Սերխիո Վալենտինը՝ հղում անելով գործընկեր Խորխե Պիկոնին, Պերեսն իր մտերիմ շրջապատին արդեն հայտնել է իր նախընտրության մասին։ «Ֆլորենտինո Պերեսն արդեն վստահաբար գիտի, թե ով կփոխարինի Ժոզե Մոուրինյուին, եթե իրավիճակը չշտկվի։ Այդ մասնագետը Դիդյե Դեշամն է», – գրել է Վալենտինը սոցցանցերում։
Ժոզե Մոուրինյուն 2026 թվականի ամռանը երկրորդ անգամ էր ստանձնել «Ռեալի» գլխավոր մարզչի պաշտոնը։ Այնուամենայնիվ, մեկնարկային հատվածում գործերը իսպանական գրանդի համար հարթ չեն․ անցկացրած 9 տուրից հետո «սերուցքայինները» Լա Լիգայի մրցաշարային աղյուսակում զբաղեցնում են միայն երրորդ հորիզոնականը՝ առաջատար «Բարսելոնայից» հետ մնալով արդեն 6 միավորով։
armsport.am