Միլիարդատեր Վորեն Բաֆեթի երեք զավակները՝ Սյուզին, Հովարդը եւ Փիթերը, դեռեւս չեն հստակեցրել, թե բարեգործության ինչ ուղղություն ընտրեն՝ իրենց հոր ունեցվածքը բարեգործական նպատակներով ծախսելու համար, հայտնում է ամերիկյան հեղինակավոր Bloomberg պարբերականը։ Քննարկվում է երկու տարբերակ՝ կամ ստեղծել ընդհանուր հիմնադրամ եւ զբաղվել բարեգործությամբ, կամ ժառանգներից յուրաքանչյուրն իրեն հասանելիք միջոցները ինքնուրույն ծախսի բարեգործական այն ուղղության վրա, որը կնախընտրի։
Սյուզի Բաֆեթը աջակցում է կրթական ծրագրերին, Հովարդը հումանիտար օգնության եւ առողջապահության զարգացման ծրագրերին, իսկ Փիթերը՝ մարդկանց բարեկեցության աճին միտված ծրագրերին։ Բոլոր երեք ժառանգներն էլ մեծ պատասխանատվությամբ են վերաբերվում իրենց հոր կուտակած հարստությանը։