Հոկտեմբերի 21-ին Թուրքիայի Հանրապետության նախագահ Ռեջեփ Թայիփ Էրդողանը հեռախոսազրույց է ունեցել Ադրբեջանի նախագահ Իլհամ Ալիևի հետ։
Այս մասին հայտնում է APA-ն՝ վկայակոչելով Ադրբեջանի նախագահի մամուլի ծառայությունը։
Հեռախոսազրույցի ընթացքում պետությունների ղեկավարները քննարկել են ադրբեջանա-թուրքական երկկողմ հարաբերությունները, ինչպես նաև տարածաշրջանային և գլոբալ հարցեր։
Նախագահ Ռեջեփ Թայիփ Էրդողանը վստահություն է հայտնել, որ Ադրբեջանի և Թուրքիայի միջև եղբայրական հարաբերությունների վրա հիմնված համագործակցությունն այսուհետ ևս կբարձրանա ավելի բարձր մակարդակի։
Թուրքիայի նախագահը Իլհամ Ալիևին հրավիրել է Անկարայում կայանալիք Թյուրքական պետությունների կազմակերպության 13-րդ գագաթնաժողովին։
Իլհամ Ալիևը շնորհակալություն է հայտնել նախագահ Ռեջեփ Թայիփ Էրդողանին հեռախոսազանգի և Ադրբեջանի պետական անկախության վերականգնման 35-րդ տարեդարձի կապակցությամբ շնորհավորանքների համար։
Ադրբեջանի նախագահն իր հերթին վստահություն է հայտնել, որ ադրբեջանա-թուրքական եղբայրական հարաբերություններն այսուհետ ևս հաջողությամբ կզարգանան։