ԱՄՆ նախագահի հատուկ բանագնաց Սթիվ Ուիթքոֆ հայտարարել է, որ Սանկտ Պետերբուրգում Վլադիմիր Պուտինի հետ բանակցությունները «տեխնիկական մակարդակով կշարունակվեն ԱՄՆ-ի, Ռուսաստանի և Ուկրաինայի միջև»։
«Օսլոյում և Սանկտ Պետերբուրգում ես և Ջարեդ Քուշները հանդիպել ենք Ռուսաստանի, Ուկրաինայի և Եվրոպայի առաջնորդների հետ՝ առաջ մղելու նախագահ Թրամփի առաքելությունը՝ պատերազմը դադարեցնելու համար։ Սանկտ Պետերբուրգում մենք հանդիպել ենք նախագահ Պուտինի հետ՝ առաջ մղելու Օսլոյում նախագահ Զելենսկու հետ ձեռք բերված առաջընթացը, քննարկելու խաղաղ կարգավորման շրջանակը և շնորհակալություն հայտնելու նախագահ Պուտինին ԱՄՆ քաղաքացի Սթիվեն Հաբարդին ազատ արձակելու համար, որն այժմ վերադառնում է տուն՝ իր ընտանիքի մոտ։
Այս քննարկումները կառուցողական էին, և դրանք կշարունակվեն ԱՄՆ-ի, Ռուսաստանի և Ուկրաինայի միջև եռակողմ բանակցությունների շրջանակում՝ տեխնիկական մակարդակով։
Թեև դեռևս կարևոր աշխատանք կա կատարելու, նախագահ Թրամփը շարունակում է հավատարիմ մնալ այս պատերազմին վերջ դնելու և համապարփակ ու կայուն խաղաղության հասնելու նպատակին, որը կապահովի անվտանգություն և բարգավաճում ապագա սերունդների համար», — գրել է նա։