Հռոմի պապ Լևոն XIV-ը թոքերում քաղցկեղային գոյացության հեռացման վիրահատությունից հետո լրացուցիչ բուժման կարիք չունի, հայտնել են նրա բժիշկները՝ նշելով, որ հետազոտությունների արդյունքները հաստատել են հիվանդության տեղային բնույթը։
Վատիկանի տարածած հայտարարության համաձայն՝ վիրահատության ընթացքում հեռացված հյուսվածքի հետազոտության արդյունքները հաստատել են թոքի ադենոկարցինոմայի՝ նախապես ախտորոշված քաղցկեղի տեսակի առկայությունը։
«Հետագա ուռուցքաբանական գնահատումը հաստատել է, որ լրացուցիչ բուժման անհրաժեշտություն չկա»,– ասվում է հայտարարության մեջ։
71-ամյա Հռոմի պապը շաբաթավերջին դուրս է գրվել Հռոմի Ջեմելի հիվանդանոցից՝ վիրահատությունից չորս օր անց։ Հիվանդանոցից հեռանալիս նա կանգ է առել՝ զրուցելու իրեն սպասող մարդկանց հետ։