«Ռոսիա սեգոդնյա» միջազգային մեդիախմբի և RT հեռուստաալիքի գլխավոր խմբագիր Մարգարիտա Սիմոնյանը համաձայնել է գլխավորել Ռուսաստանում մարդու իրավունքների պաշտպանին կից հասարակական խորհուրդը։
«Շատերը գիտեն, որ տարիներ շարունակ փորձում եմ օգնել այն մարդկանց, որոնք բախվում են անարդարության։ Երբեմն դա հաջողվում է, երբեմն՝ ոչ»,- գրել է նա «Մաքս» հարթակում։
Այսպես է գլխավոր խմբագիրն արձագանքել օմբուդսմեն Յանա Լանտրատովայի առաջարկին։ Վերջինս ընդգծել է Սիմոնյանի՝ բարդ իրավիճակներում լուծումներ գտնելու և պատասխանատու մարդկանց համախմբելու կարողությունը՝ վստահություն հայտնելով, որ խորհուրդը կդառնա քաղաքացիներին աջակցելու արդյունավետ հարթակ։
«Գիտեմ, թե որքան եռանդով և անմնացորդ է Յանա Լանտրատովան զբաղվում այս գործով։ Եվ ուրախ կլինեմ օգնել նրան»,- խոստացել է Սիմոնյանը։