Նիդերլանդներն աջակցում է Հայաստանի և Ադրբեջանի միջև խաղաղության գործընթացի առաջմղմանն ուղղված ջանքերին։ Այս մասին ՀՀ ԱԳ նախարար Արարատ Միրզոյանի հետ համատեղ ասուլիսի ժամանակ հայտարարել է Նիդերլանդների ԱԳ նախարար Թոմ Բերենդսենը։
«Մենք աջակցում ենք այն գործընթացին, որն այժմ երկու երկրներն իրականացնում են խաղաղության գործընթացն առաջ մղելու համար։ Ադրբեջանի և Հայաստանի միջև կայուն խաղաղությունը լավ է ոչ միայն երկու երկրների, այլև ամբողջ տարածաշրջանի համար»,- նշել է նա։
Հիշեցնենք, որ հոկտեմբերի 26-ին Ադրբեջանի ԱԳ նախարար Ջեյհուն Բայրամովի հետ համատեղ ասուլիսի ժամանակ Բերենդսենը հայտարարել էր, որ Հայաստանի և Ադրբեջանի միջև կայուն խաղաղության հաստատումը տնտեսական նոր հնարավորություններ կստեղծի։