ԱԺ «Ուժեղ Հայաստան» խմբակցության ղեկավար Նարեկ Կարապետյանը ՀՀ ԱԳ նախարար Արարատ Միրզոյանից հետաքրքրվել է՝ հնարավո՞ր է, որ ԹՐԻՓՓ-ը գործարկվի, բայց խաղաղության պայմանագիրը չստորագրվի։
«Այո՛, կարող է»,- պատասխանել է Միրզոյանը։
Նրա խոսքով՝ խաղաղության պայմանագիրը նախաստորագրված է, իսկ Հայաստանն ու Ադրբեջանը հրապարակայնորեն հայտարարել են, որ այն կասկածի տակ չեն դնում։
«Այլ պատճառով հիմա Ադրբեջանն ասում է՝ չեմ ստորագրի»,- նշել է արտգործնախարարը։
Ի պատասխան՝ Նարեկ Կարապետյանը հայտարարել է, որ Ադրբեջանը նոր, անիրատեսական պայմաններ է առաջադրելու։
«Մեր երկիրը քցվելու է, որովհետև Ադրբեջանը ստանալու է ճանապարհ, բայց մեր ապաշրջափակման փայաբաժինը մենք չենք ստանալու»,- ընդգծել է Կարապետյանը։