Եթե օրենքի ընդունումը թույլ տա փրկել ընտանեկան բռնության թեկուզ մեկ զոհի կյանք, ուրեմն միանշանակ պետք է կողմ քվեարկել նախագծին. ՆԳ նախարարը ներկայացրել է Կառավարության դիրքորոշումը:
ՆԳ նախարար Արփինե Սարգսյանն ԱԺ մարդու իրավունքների պաշտպանության և հանրային հարցերի մշտական հանձնաժողովի արտահերթ նիստում ներկայացրել է Կառավարության դրական դիրքորոշումն ընտանեկան և կենցաղային բռնության կանխարգելմանն ուղղված օրենսդրական փաթեթի վերաբերյալ։
Փաթեթը մշակվել է Վարչապետի տիկին Աննա Հակոբյանի նախաձեռնած՝ ընտանեկան բռնության դեմ պայքարի լայնածավալ արշավի շրջանակում։
Արփինե Սարգսյանը ներկայացրել է նաև վիճակագրական տվյալներ՝ ընդգծելով, որ հաղորդումների աճը վկայում է ոստիկանության նկատմամբ վստահության բարձրացման և բռնության դեպքերի մասին հայտնելու առավել բարձր պատրաստակամության մասին։