Իսպանիայի կենտրոնական հատվածում արագընթաց գնացքների բախման հետևանքով զոհերի թիվը հասել է 68-ի, տասնյակ մարդիկ վիրավորվել են։ Վթարը տեղի է ունեցել չորեքշաբթի առավոտյան՝ Մադրիդից մոտ 140 կմ հարավ՝ Մորա և Օրգազ համայնքների միջև։
Նախնական տեղեկությունների համաձայն՝ Մադրիդից Սևիլիա ուղևորվող գնացքը բախվել է երկաթուղագծի վրա կանգնած մեկ այլ գնացքի։
Իսպանիայի տրանսպորտի նախարար Օսկար Պուենտեի խոսքով՝ համակարգային խափանման դեպքում կառավարումը ստանձնում է Մադրիդում գտնվող շուրջօրյա կառավարման կենտրոնը։ Սակայն կայացվել է «անբացատրելի» որոշում՝ հրահանգելով գնացքներին շարունակել երթևեկությունը՝ առանց արագության որևէ սահմանափակման։
Iryo ընկերությունից հայտնել են, որ իրենց գնացքին «հետևից հարվածել է» մեկ այլ գնացք, որը պատկանում է Իսպանիայի պետական Renfe ընկերությանը և տեղափոխում էր 397 ուղևորի։
Փրկված ուղևորների վկայությամբ՝ բախումը չափազանց ուժգին է եղել։ Մարդիկ հայտնվել են վագոնների բեկորների տակ, ոմանք սեղմվել են նստատեղերի միջև, իսկ մյուսները ստիպված են եղել կոտրել պատուհանները՝ գնացքներից դուրս գալու համար։ Վագոններից մեկում նաև հրդեհ է բռնկվել։