Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնի միաբանների ուղեկցությամբ այսօր այցելել էր Ծիծեռնակաբերդի հուշահամալիր, որտեղ Հայոց Ցեղասպանության սուրբ նահատակների բարեխոսական կարգ է կատարվել։
Այս առիթով հուշահամալիր է բերվել Հայոց Ցեղասպանության սրբոց նահատակաց մասունքարանը:
Հատկանշական է, որ Հանրային հեռուստատեսությունն ամբողջ ընթացքում ուղիղ եթեր է ապահովում Ծիծեռնակաբերդի հուշահամալիրից, սակայն, կաթողիկոսի այցի ժամանակ, ըստ էության բոյկոտել է, ընդամենը մի քանի կադր է ցուցադրել հեռվից՝ Անմար կրակի մոտ կանգնած։
Կաթողիկոսի ձայնը չի լսվել, միայն՝ երաժշտություն: Արարողության ընթացքում կա՛մ անմար կրակն են ցուցադրել, կա՛մ մարդկանց հոսքը:
Այլ պաշտոնյաների այցերը մանրամասն լուսաբանվել են։