Հորմուզի նեղուցում միջադեպեր են եղել` կապված 2 նավթային լցանավերի հետ: Այս մասին ասվում է Իսլամական հեղափոխության պահապանների կորպուսի (ԻՀՊԿ) հաղորդագրության մեջ։
«Հորմուզի նեղուցի արևելյան և արևմտյան մասերում նավարկության կանոնները խախտած երկու լցանավ, նպատակ ունենալով անցնել արգելված երթուղով, վթարվել են և կանգնեցվել նեղուցի հարավային հատվածում»,- նշվում է հաղորդագրության մեջ:
Ըստ իրանցի զինվորականների հայտարարության՝ լցանավերն անջատել էին ռադիոլոկացիոն և նավիգացիոն համակարգերը և անտեսել ԻՀՊԿ ռազմածովային ուժերի նախազգուշացումները: