Թուրքիայի Տրապիզոն քաղաքում ավարտվել է 13–14 տարեկան պատանիների և աղջիկների բռնցքամարտի Եվրոպայի առաջնությունը։
Մրցաշարում հաջող ելույթ է ունեցել Ռուսաստանի ներկայացուցիչ Պոլինա Աղաջանյանը: Հայազգի մարզուհին հանդես է եկել մինչև 50 կգ քաշային կարգում։ Նա հաղթել է բոլոր մենամարտերը, նվաճել ոսկե մեդալ և հռչակվել Եվրոպայի չեմպիոն։
Մեդալակիր է դարձել նաև Ռուսաստանը ներկայացնող մեկ այլ հայազգի մարզիկ՝ Արթուր Ասատրյանը։ Նա հանդես է եկել մինչև 75 կգ քաշային կարգում և արժանացել է բրոնզե մեդալի։