Նախագահական ընտրություններում պարտվելուց հետո Բրազիլիան գաղտնի լքած Ֆլավիո Բոլսոնարուն կարող է արագացված ընթացակարգով ԱՄՆ-ի գրին քարտ ստանալ։ Այս մասին, հղում կատարելով իր աղբյուրներին, հայտնում է The New York Times-ը։
Աղբյուրների տեղեկություններով՝ ամերիկյան իշխանություններն ակնկալում են, որ ինչ-որ պահի Բոլսոնարուն դիմում կներկայացնի գրին քարտ ստանալու համար։ Նրա դիմումը կքննարկվի արագացված կարգով, ինչպես դա տեղի է ունեցել նրա կրտսեր եղբոր դեպքում։Պարբերականը հիշեցնում է, որ Էդուարդու Բոլսոնարուն հուլիսին ստացել է ԱՄՆ-ում մշտական բնակության կարգավիճակ և բնակվում է Թեքսասում։
Բոլսոնարուն Բրազիլիան լքել է նախագահական ընտրություններում պարտվելուց և Գերագույն դատարանի պահանջից հետո։ Վերջինս պահանջել էր հանձնել դիվանագիտական անձնագիրը՝ փողերի լվացման գործով քննության շրջանակում։ Ջեյսոն Միլլերի՝ Սպիտակ տան ներկայացուցչի կազմակերպած մասնավոր չվերթով Մայամի ժամանելուց հետո Բոլսոնարուն ԱՄՆ նախագահ Դոնալդ Թրամփի հրահանգով ստացել է ժամանակավոր բնակության թույլտվություն։ Թերթի աղբյուրների համաձայն՝ ԱՄՆ սահմանապահ ծառայության աշխատակիցները մարդասիրական հիմունքներով ժամանակավոր թույլտվություն են տրամադրել Բոլսոնարուին և նրա ընտանիքին՝ երկիր մուտք գործելու համար։