«Հրապարակ»-ը գրում է․ «Հոկտեմբերի 23-ին հաստատվել է Դիլիջան-Սեւան ավտոմոբիլային նոր թունելի կառուցման ծրագիրը, նախագծային աշխատանքներն ավարտված են։ Վրաստան ուղեւորափոխադրումներ կատարող հայ վարորդներն ասում են, որ մինչ Հայաստանում տարիներով քննարկվում է Դիլիջան-Սեւան նոր թունելի կառուցման ծրագիրը, հարեւան Վրաստանում՝ Թբիլիսի-Բաթումի ավտոճանապարհին կարճ ժամկետում 18 նոր թունել է գործարկվել։ Դիլիջան-Սեւան թունելում կիսախավար է, իսկ Բաթումիի ճանապարհի թունելներում այնքան լուսավոր է, որ մեքենաները դրանցում գտնվելիս անջատում են լուսարձակները»։