Հոկտեմբերի 31-ին՝ ժամը 14։15-ին, ՆԳՆ 112 օպերատիվ կառավարման կենտրոն ահազանգ է ստացվել, որ Վայոց ձորի մարզի Գնդևազ-Ջերմուկ ավտոճանապարհին բեռնատարը հարվածել է գազատար խողովակին․ առկա է գազի արտահոսք։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ- փրկարարական ջոկատից մեկ մարտական հաշվարկ։
Պարզվել է, որ ՃՏՊ-ի հետևանքով վնասվել է գազատար խողովակը։ Գազի հոսքը դադարեցված է․ տուժածներ չկան։
Փրկարարները սահմանազատել են տարածքը, մասնատել և հեռացրել վնասված խողովակը ավտոճանապարհից։
Ավտոճանապարհը երկկողմանի երթևեկելի է։