Դոլլի Փարթոնի չհրապարակված հուշագրությունները վաճառվել են 13 միլիոն դոլարով:
Քանթրի երաժշտության լեգենդ Դոլլի Փարթոնի դեռևս չհրապարակված հուշագրությունները հրատարակչությունների միջև մրցակցությունից հետո, ըստ տեղեկությունների, վաճառվել են 13 միլիոն դոլարով։
Ինչպես հայտնում է Page Six-ը, գրքի հրատարակման իրավունքները ձեռք է բերել ամերիկյան Grand Central Publishing-ը։ Սկզբնական առաջարկը կազմել է 12 միլիոն դոլար, սակայն հրատարակչությունը հետագայում այն բարձրացրել է մինչև 13 միլիոն։ Գործարքի վերջնական ֆինանսական պայմանները դեռևս հայտնի չեն։
Առայժմ տեղեկություններ չկան նաև ձեռագրի բովանդակության և այն մասին, թե երգչուհու կյանքի որ ժամանակաշրջաններն են տեղ գտել հուշագրություններում։ Գիրքը կարող է երկրպագուներին բացահայտել Փարթոնի կյանքի մինչ այժմ անհայտ դրվագները։