Ռուսաստանից Հայաստան բնական գազի մատակարարումն իրականացվում է սովորական ռեժիմով, Интерфакс-ին հայտնել են «Գազպրոմ Արմենիա» ընկերության մամուլի ծառայությունից։ Սեպտեմբերի վերջին «Հրապարակ» թերթը, հղում կատարելով ռուսական աղբյուրներին, հայտնել էր, որ Ռուսաստանը նախատեսում է նոյեմբերի 1-ից դադարեցնել Հայաստանի գազամատակարարումը։
Ավելի վաղ ՌԴ Անվտանգության խորհրդի քարտուղարի տեղակալ Ալեքսեյ Շևցովն ասել էր, որ Հայաստանը ռուսական գազը գնում է արտոնյալ պայմաններով, իսկ վառելիքի ներմուծումն այլ երկրներից Երևանի համար զգալիորեն ավելի թանկ կարժենա։