«Նիկոլ Փաշինյանի այսօրվա հայտարարությունն իրականում պետական հեղաշրջման մասին հայտարարություն էր»,- ԱԺ ճեպազրույցների ժամանակ ասել է «Հայաստան» խմբակցության պատգամավոր Գեղամ Մանուկյանը։ «Փաշինյանն ամեն օր իր դեմ հարուցվելիք քրեական գործերին նոր հոդվածներ է ավելացնում։ Այն, ինչ ասում է Նիկոլ Փաշինյանը, դա պատահել է 2018թ․ հոկտեմբերի 2-ին, երբ ԱԺ-ն ուղղակի շրջափակվեց, գրավվեց Փաշինյանի կողմնակիցների կողմից։ Պետք է նաև ասեմ, որ ՀՀ օրենսդրության համաձայն, ԱԺ պատգամավորների վրա ճնշման միջոցով քվեարկությունը չի կարող լեգիտիմ լինել»,- շարունակել է Մանուկյանը։