Ֆուտբոլի Հայաստանի չեմպիոն Երեւանի «Արարատ-Արմենիան» Եվրոպայի լիգայի չորրորդ տուրի արտագնա հանդիպումից առաջ դիմել է Եվրոպայում բնակվող հայ երկրպագուներին։
«Եվրոպայում ապրող մեր սիրելի հայրենակիցներ, հայեր ջա՛ն, Պորտուգալիայի Լեյրիա քաղաքում նոյեմբերի 5-ին՝ ժամը 20:00 (Պորտուգալիայի ժամանակով) մեկնարկելիք ՈՒԵՖԱ Եվրոպա Լիգայի հիմնական փուլի չորրորդ տուրի «Տորենս» – «Արարատ-Արմենիա» հանդիպմանը մենք ունենք ձեր աջակցության կարիքը։
Դուք կարող եք միանալ Հայաստանից ժամանող մեր երկրպագուներին։
Մեր հայրենակիցների համար տրիբունայում նախատեսված տոմսերը կարող եք գնել հետևյալ հղումով։
Մենք գալիս ենք Պորտուգալիա՝ պայքարելու և հաղթելու վճռականությամբ, իսկ այս հարցում անչափ կարևոր է ձեր ներկայությունը Լեյրիայի «Մագալյաեշ Պեսոա» մարզադաշտում։
Արի՛ մարզադաշտ և աջակցի՛ր «Արարատ-Արմենիային»։
Միասին մենք կարող ենք»։