ՀԱՊԿ-ը հույս ունի, որ Հայաստանը և Ադրբեջանը շուտով համապարփակ խաղաղության համաձայնագիր կստորագրեն։ Այս մասին հայտարարել է կազմակերպության գլխավոր քարտուղար Թաալաթբեկ Մասադիկովը։
Նրա խոսքով՝ երկու երկրների միջև շարունակվող երկխոսությունը նպաստում է հակամարտության ներուժի նվազեցմանը և ապագա համագործակցության հիմքերի ձևավորմանը։
«Հուսով ենք, որ երկու պետությունների միջև համապարփակ խաղաղության համաձայնագիրը շուտով կկնքվի»,- ասել է Մասադիկովը՝ ելույթ ունենալով Մինսկում անցկացվող Եվրասիական անվտանգության հարցերով IV միջազգային խորհրդաժողովում։