Դեմոկրատները նախատեսում են կանադական ապրանքների նկատմամբ մաքսատուրքերը չեղարկելու քվեարկությունն օգտագործել՝ փորձելով հանրապետականների մի մասին իրենց կողմը գրավել, հայտնել է Wall Street Journal թերթը՝ վկայակոչելով Սենատում Դեմոկրատական կուսակցության բարձրաստիճան ներկայացուցչին։
«Կանադական ապրանքների նկատմամբ մաքսատուրքերի չեղարկումը ճնշող աջակցություն է վայելում»,– պարբերականը մեջբերել է Օրեգոնի նահանգից դեմոկրատ սենատոր Ռոն Ուայդենի խոսքերը։
Ուայդենն ու նրա կողմնակիցները մաքսատուրքերի չեղարկումը դիտարկում են որպես հարմար քաղաքական լծակ՝ նախագահական վետոն հաղթահարելու համար։ Նրանք ակնկալում են, որ այս հարցը կառնչվի կոնկրետ հանրապետականների շահերին, առաջին հերթին նրանց, որոնց նահանգները, օրինակ՝ Միչիգանը, Մենը և Ալյասկան, սերտ առևտրային կապեր ունեն Կանադայի հետ։