Արսեն Գևորգյանը քաղաքական հետապնդման զոհ է։ Նրա կալանավորումն իրավաչափության որևէ հիմք չի ունեցել, գրել է Ազգային ժողովի «Ուժեղ Հայաստան» խմբակցության պատգամավոր Հասմիկ Ենգոյանը։
«Այսօր կալանքը Հայաստանում օգտագործվում է ոչ թե որպես խափանման միջոց, այլ որպես ընդդիմադիրներին վախեցնելու, ճնշելու և տառապանքի ենթարկելու գործիք։
Արսեն Գևորգյանի հանկարծամահությունը այս քաղաքական հետապնդումների ողբերգական հետևանքն է։ Այս մահվան քաղաքական և բարոյական պատասխանատվությունն ամբողջությամբ կրում է գործող իշխանությունը։
Ցավակցում եմ Արսենի ընտանիքին ու հարազատներին»,– նշել է պատգամավորը: