ՀՀ տարածքային կառավարման և ենթակառուցվածքների նախարար Դավիթ Խուդաթյանն այցելել է Կոտայքի մարզ:
Նախարարը մարզպետ Լիլիթ Ստեփանյանի և Ճանապարհային դեպարտամենտ հիմնադրամի պատասխանատուների հետ նախ ծանոթացել է Արզնի-Նոր Գեղի 6.7 կմ երկարությամբ ճանապարհահատվածի հիմնանորոգման աշխատանքների ընթացքին։ Շինարարական աշխատանքներն ակտիվ փուլում են։
Այնուհետև նախարարն այցելել է Եղվարդ-Արագյուղ 12.4 կմ երկարությամբ ճանապարհահատվածի հիմնանորոգման շինհրապարակ՝ տեղում ծանոթանալու իրականացվող աշխատանքներին։
Տեղում շինարարի և պատասխանատուների հետ քննարկվել են իրականացվող աշխատանքները, ժամանակացույցը։