ՊԵԿ-ից փախուստի դիմած Իրանի քաղաքացին հայտնաբերվել է և կալանավորվել. ՔԿ

Պետական եկամուտների կոմիտեի վարչական շենքից փախուստի դիմած անձը հայտնաբերվել է և կալանավորվել:

Այս մասին «Հայկական ժամանակ»-ի հարցին ի պատասխան՝ հայտնել են ՀՀ քննչական կոմիտեից:

«Փախուստի դիմած անձը հայտնաբերվել և կալանավորվել է: Դեպքի առթիվ նախաձեռնվել է քրեական վարույթ»,- մանրամասնել են ՔԿ-ից:

Ավելի վաղ Shamshyan.com-ը հայտնել էր, որ նոյեմբերի 6-ին՝ ժամը 22:00-ի սահմաններում, Երևանի Իսակովի պողոտայի 10 հասցեում գործող Պետական եկամուտների կոմիտեի վարչական շենքից, որտեղ գործում են պետական սահմանի ցամաքային անցման կետերում մաքսային սպասարկման և հսկողության վարչությունը, արտաքին տնտեսական գործունեության մաքսային սպասարկման և հսկողության վարչությունը, կալանավորված անձը դիմել է փախուստի։

Ըստ սկզբնաղբյուրի՝ անձը Իրանի Իսլամական Հանրապետության քաղաքացի 36-ամյա Միլադ Մ.-ն է:

Leave a Reply

Your email address will not be published. Required fields are marked *