Իրանում ուղևորատար ավտոբուս է վթարի ենթարկվել. կա 11 զոհ, 19 վիրավոր

Իրանի Իլամ նահանգում ուղևորատար ավտոբուսի շրջվելու հետևանքով 11 մարդ զոհվել է, ևս 19-ը՝ վիրավորվել, այս մասին X սոցիալական ցանցում հայտնել է Իրանի առողջապահության նախարարության մամուլի ծառայության ղեկավար Հոսեյն Քերմանփուրը։

Ավելի վաղ Իլամ նահանգի Կարմիր մահիկի ընկերությունը IRIB հեռուստաընկերությանը հայտնել էր առնվազն 5 զոհի և 17 վիրավորի մասին։ Հետագայում զոհերի և վիրավորների թվի վերաբերյալ այս տվյալները ճշգրտվել են։

Իրանի առողջապահության նախարարության ներկայացուցիչը շեշտել է պատասխանատու վարելաոճի կարևորությունը՝ ճանապարհատրանսպորտային պատահարները կանխելու համար։

Վթարի ստույգ պատճառը դեռևս պարզված չէ։

Leave a Reply

Your email address will not be published. Required fields are marked *