«Դարձել են քարոզչական թեզի զոհ, թե՝ «ռուսն ու թուրքը նույնն են»». Մհեր Հակոբյան

«Դարձել են քարոզչական թեզի զոհ, թե՝ «ռուսն ու թուրքը նույնն են»». Մհեր Հակոբյան

Ռազմական հարցերով վերլուծաբան Մհեր Հակոբյանի ֆեյսբուքյան գրառումը․ «Մեր ժողովրդի մի ստվար հատված դարձել է քարոզչական մի թեզի զոհ, թե՝ «ռուսն ու թուրքը ՆՈՒՅՆՆ ԵՆ»։ Ոմանք էլ, իրենց հերթին, տեխնիկական առումով հաջող համեմատության գայթակղությանը տրվելով, ռուսներին անվանում են «սպիտակ թուրք»։ Այս երևույթը հատկապես տարածված է Ֆեյսբուքում։
     Եվ հիմա ինձ մի բան է հետաքրքրում։ Այսինքն՝ այն թուրքը, որը՝
     – Ցեղասպանություն ԱՐԵԼ Է,
     – ՇԱՐՈՒՆԱԿՈՒՄ Է Ցեղասպանությունը, քանզի ժխտում է այն,
     – պատրաստվում է նոր Ցեղասպանություն ԱՆԵԼ,
     – 1.000 տարի մեզ սպանել է,
     – մեզնից ԽԼԵԼ Է մեր պատմական Հայրենիքի հիմնական մասը,
     – հենց վերջերս մեզնից խլել է ԱՐՑԱԽԸ,
     – Արցախը մեզնից խլելու ընթացքում սպանել է մեզ,
     – վարում է ԾԱՅՐԱՀԵՂ ՀԱԿԱՀԱՅ քաղաքականություն,
     – Հայաստանի նկատմամբ ՇՐՋԱՓԱԿՈՒՄ է իրականացնում,
     – և այլն,
     փաստորեն, այս տեսակետի կողմնակիցների կարծիքով, ՆՈՒՅՆՆ Է կամ նույնիսկ ԱՎԵԼԻ ԼԱՎԸ, քան Ռուսաստանը, որն ունի իր բոլոր թերությունները, բայց միաժամանակ՝
     – Այո՛, իր շահերի համատեքստում, բայց գրավեց Հայաստանի արևելյան մասը, ինչի արդյունքում հայ ժողովրդի այդ հատվածն ԱԶԱՏՎԵՑ ՀԵՏԱՄՆԱՑ ԱՍԻԱԿԱՆ ՊԱՐՍԿԱԿԱՆ ԼԾԻՑ և կանգնեց զարգացման ժամանակակից եվրոպական ուղու վրա։
     – Ապահովեց հայ ժողովրդի ՔԱՆԱԿԱԿԱՆ ԱՃԸ Հայաստանի արևելյան մասում։
     – Ապահովեց հայ ժողովրդի ՏՆՏԵՍԱԿԱՆ ԱՃԸ Հայաստանի արևելյան մասում։
     – Դրեց այն ՀԻՄՔԵՐԸ, որոնց վրա հենվելով՝ Հայաստանի արևելյան մասում վերակերտվեց մեր պետականությունը։
     – Զենքով, դիվանագիտությամբ և ամենատարբեր միջոցներով օգնեց մեզ առնվազն մինչև 2020 թ. նոյեմբերի կեսը։
     – ՏՆՏԵՍԱՊԵՍ ՕԳՆՈՒՄ Է Հայաստանին և, մասնավորապես, գազ է մատակարարում իր ներքին գներով։
     – Այո՛, իր շահերի համատեքստում, բայց պատրաստ է նաև հիմա օգնել մեզ։
     – Եվ այլն։
     Հիմա ինձ ԿԲԱՑԱՏՐԵ՞Ք այս մարդկանց տրամաբանությունը»:

Leave a Reply

Your email address will not be published. Required fields are marked *