Ուկրաինան, ԱՄՆ-ն և Եվրոպան բանակցություններ են անցկացրել․ Զելենսկին մանրամասներ է հայտնել

Ուկրաինայի նախագահ Վոլոդիմիր Զելենսկին հայտարարել է, որ այսօր տեղի է ունեցել բանակցությունների հերթական փուլը՝ ուկրաինական, ամերիկյան և եվրոպական պատվիրակությունների մասնակցությամբ։

Նրա խոսքով՝ ամերիկյան կողմը ներկայացրել են Սթիվ Ուիթքոֆը և Ջարեդ Քուշները, որոնք բանակցություններին մասնակցել են առցանց։ Եվրոպական պատվիրակությունն առաջին անգամ ներկայացված է եղել ամբողջ կազմով։ Բանակցություններին մասնակցել են Ֆրանսիայի, Գերմանիայի, Մեծ Բրիտանիայի, Իտալիայի, Լեհաստանի, Եվրահանձնաժողովի, Եվրոպական խորհրդի և ՆԱՏՕ-ի ներկայացուցիչները։

Զելենսկին բանակցությունները բարդ է անվանել, սակայն հայտնել է, որ պայմանավորվածություն է ձեռք բերվել Բեռլինում՝ «Կամավորների կոալիցիայի» շրջանակում հանդիպում անցկացնելու և բանակցային գործընթացում համատեղ կոնկրետ քայլեր մշակելու վերաբերյալ։

«Մեզ անհրաժեշտ է պատերազմի արժանապատիվ ավարտ և Ուկրաինայի անվտանգության երաշխիքներ», – ընդգծել է Ուկրաինայի նախագահը։

Leave a Reply

Your email address will not be published. Required fields are marked *