ՌԴ-ը Կրասնոդարի երկրամասի Տուապսե քաղաքում ուկրաինական անօդաչու թռչող սարքերի հարձակումից հետո բռնկված մասշտաբային հրդեհի պատճառով սկսվել է բնակիչների տարհանում։
Տեղի նավթավերամշակման գործարանում (НПЗ) առաջացած հրդեհը նահանգապետ Վենիամին Կոնդրատևը որակել է որպես «լուրջ արտակարգ պատահար»։
Գործարանի հարակից փողոցների բնակիչներին տեղափոխում են ժամանակավոր կացարաններ, որոնք տեղակայված են տեղի դպրոցներից մեկի բազայի վրա։ Տարհանման աշխատանքներում ներգրավված են հատուկ ավտոբուսներ։
Հրդեհի մարմանն այս պահին մասնակցում է 164 փրկարար և 46 միավոր տեխնիկա, սակայն իրավիճակը մնում է բարդ։ Մոնիտորինգային ալիքների տվյալներով՝ կրակը տարածվել է արդեն երրորդ պահեստարանի վրա, ինչի պատճառով նախատեսվում է էլ ավելի մեծացնել հրշեջ խմբավորման թիվը։