ԱՄՆ-ի կողմից ծովային շրջափակումը սպառնալիք է ներկայացնում ամբողջ աշխարհի համար, հայտարարել է Իրանի նախագահ Մասուդ Փեզեշքիանը։
«Ծովային շրջափակում և սահմանափակումներ մտցնելու ցանկացած փորձ խախտում է միջազգային իրավունքը, սպառնալիք է ներկայացնում տարածաշրջանի երկրների և ժողովուրդների շահերի, ինչպես նաև խաղաղության և համաշխարհային կայունության համար և դատապարտված է ձախողման», – ասել է Փեզեշքիանը Իրանում Պարսից ծոցի օրվա կապակցությամբ։
Նա հավելել է, որ Պարսից ծոցի տարածաշրջանը միակողմանի կամքի պարտադրման վայր չէ, այլ միջազգային փոխգործակցության համակարգի մի մասն է, հաղորդում է նրա մամուլի ծառայությունը:
ԱՄՆ նախագահ Դոնալդ Թրամփն ավելի վաղ հայտարարել է, որ մտադիր է շարունակել Իրանի ծովային շրջափակումը, մինչև Թեհրանը լիովին չհրաժարվի իր միջուկային ծրագրից։