Լրագրող Ոսկան Սարգսյանի ֆեյսբուքյան գրառումը. «Հայաստանում արդար աշխատանքն ու աշխատողները նսեմացված են.
Մայիսի 1-ն է՝ Աշխատանքի և աշխատավորների միջազգային օրը։ Այդ տոնը արժևորում է աշխատանքը և աշխատողներին։ Սակայն Հայաստանում համատարած խախտվում են աշխատավորների իրավունքները, արդար աշխատանքն ու աշխատավորները նսեմացված են։ Նախկինի նման, թեև ավելի փոքր չափերով, գործում է ստվերային զբաղվածությունը, աշխատողներին չգրանցելը։ Մարզերի սննդի օբյեկտներում աշխատող հավաքարարներ, ամաններ լվացողներ կան, ովքեր չնչին, անխղճորեն ցածր աշխատավարձ են ստանում։ Ցավոք, Հայաստանում այդպես էլ չկայացան արհեստակցական միությունները, որպեսզի պաշտպանեն աշխատավորների ոտնահարված իրավունքները։ Քանի դեռ չկա օրինապաշտ, բարոյապես արդար, հայամետ իշխանություն՝ բոլորի, առավել ևս աշխատավորների իրավունքները ոտնահարված են լինելու։ Հուսամ, որ առաջիկայում դրական փոփոխություններ են»։