Երգչուհի Սոնա Շահգելդյանը, որը հայտնի է իր անմիջականությամբ և սուր արտահայտություններով, հանդես է եկել նոր տեսաուղերձով։ Այս անգամ երգչուհու թիրախում նրա կոլեգաներն են և պետական համերգների կազմակերպման սկզբունքները։
Սոնան դժգոհություն է հայտնել այն փաստից, որ իրեն հաճախ չեն ներառում պետական միջոցառումների մեջ, սակայն շեշտել է, որ դա իրեն չի անհանգստացնում, քանի որ տեսնում է՝ «ովքեր և ինչպես» են հայտնվում այդ բեմերում։ «Լավ է՝ ոչ մի պետական համերգներին չկամ, լավ տեսնում ենք՝ ոնց, ինչ… Դե հիմա խոսեք՝ ի տարբերություն շատերի»,- գրել է երգչուհին։
Երգչուհին անդրադարձել է նաև իր անունը շահարկողներին և այն արտիստներին, ովքեր փորձում են հարմարվել քաղաքական իրավիճակներին։ Ըստ նրա՝ շատերը պարզապես փորձում են առաջ գնալ վատ արարքների և ուրիշների անունն օգտագործելու միջոցով։
«Հերի՛ք է իմ անվան տակ ձեզ գովազդ անեք, հերիք է վատ արարքներով առաջ գնաք»։ «Շատ լավ տեսնում ենք՝ ով ում հետ է, բոլորդ բոլորի համար երգել եք ու երգում եք՝ թե՛ նախկին, թե՛ ներկա»։
Սոնա Շահգելդյանի այս անկեղծ ու բավականին կոշտ հայտարարությունը մեծ արձագանք է գտել հետևորդների շրջանում։ Շատերը սատարում են երգչուհուն՝ նշելով, որ նա այն քչերից է, ով ասում է այն, ինչ մտածում է, իսկ մյուսները փորձում են կռահել, թե հատկապես ո՞ր կոլեգաներին է ուղղված այս «քարը»։