Մարզահամերգային համալիրի դիմաց անցկացվող ակցիայի մասնակիցները ցանկություն հայտնեցին նամակ փոխանցել եվրոպական երկրների ներկայացուցիչներին։ Տարածքը հսկող ոստիկանները թույլ չտվեցին նրանց մոտենալ շենքին և փոխանցել նամակը։ «Մենք չենք մոտենում որևէ առաջնորդի, ուզում եմ հասկանալ՝ ի՞նչ վտանգ եք տեսնում, եթե ես մոտենամ շենքին, իմ ձեռքին կա՞ այնպիսի միջոց, որով այս շենքի կամ այստեղ գտնվողների հանդեպ որևէ վտանգ կարող եմ ներկայացնել»,- ոստիկանի հետ զրույցում ասաց Արցախի նախկին ՄԻՊ Արտակ Բեգլարյանը։